29-30 верасня ў раёне пройдзе пад эгідай ЕС і ПРААН свята “Журавы і журавіны Міёрскага краю”.

У першы дзень у школах будуць праведзены ўрокі “Захаванне біяразнастайнасці заказніка “Ельня”, у іх прымуць удзел спецыялісты ПРААН.

У другі дзень мерапрыемствы перамесцяцца на паўвостраў. Тут у 12 гадзін пачне працаваць “горад майстроў”. Пасля афіцыйнага акрыцця ў 13.00 пачнуцца інтэрактыўныя гульні, конкурсы “Журавінка” і падвор’яў, выступленні фальклорных і творчых калектываў, у тым ліку з Мінска і Даўгаўпілса.

На свята запрашаюцца не толькі мясцовыя жыхары, але і госці са сталіцы, Браслаўскага, Верхнядзвінскага, Пастаўскага і Шаркаўшчынскага раёнаў.