7 верасня 2013 года ў Дзісне прайшоў турнір па міні-футболе сярод міністрантаў.
У турніры прынялі ўдзел чатыры каманды: з парафій Дзісны, Мёраў, Полацка і Празарокаў.
Гульні праводзіліся па кругавой сістэме, таму кожная каманда мела магчымасць паказаць сябе і ацаніць іншых. За каманду Мёраў было дазволена гуляць ксяндзу Антону Лагунёнку, які паказаў сябе добрым гульцом і дапамог сваёй камандзе заняць другое месца.
На трэцім месцы апынуліся міністранты з Полацка. А кубак пераможцы другі год запар застаецца ў Дзісне.